Қарздор ота суд залида 32 млн. сўм алимент пулини тўлади
Фуқаролик ишлари бўйича Самарқанд шаҳар судининг 2021 йил 7 июнь кунидаги суд буйруғига асосан фуқаро М.А.дан ундирувчи М.Ш. фойдасига уч нафар фарзандининг моддий таъминоти учун алимент ундирилиши белгиланган.
***
Ижро ҳужжати бўйича қарздор М.А. бир ярим йил давомида фарзанди учун алимент пулини тўламасдан юрган.
***
Мажбурий ижро бюроси Самарқанд шаҳар бўлими давлат ижрочисининг қарори билан қарздорга бугунги кун ҳолатига бўлган 32 млн. 606 минг сўм алимент пулини тўлаши ҳақида талаб қўйилганида алимент учун маблағи йўқлигини маълум қилган.
***
Шундан сўнг давлат ижрочиси қарздор М.А.га нисбатан Ўзбекистон Республикаси Маъмурий жавобгарлик тўғрисидаги Кодекснинг 47-4-моддасига асосан маъмурий жавобгарликка доир иш ҳужжатларини тўплаб жиноят ишлари бўйича Самарқанд шаҳар судига тақдим этган.
***
Суд залида маъмурий қамоқ жазоси ҳақида етарлича тушунчаларга эндигина эга бўлган қарздор М.А. 32 млн. 606 минг сўм нақд пулни жуда тез ва осонгина топа қолди. Шу йўсинда вояга етмаган фарзандларининг бир ярим йил давомида тўланмасдан келинаётган моддий таъминот пуллари тўлиқ тўлаб берди.
***
Шундан сўнг суд мазкур ишни Ўзбекистон Республикаси Маъмурий жавобгарлик тўғрисидаги Кодекснинг 271-моддаси 10-бандига асосан ҳаракатдан тугатишни лозим топди.
***
Бекзод ЖУМАБОЕВ,
Жиноят ишлари бўйича Самарқанд шаҳар суди раиси ўринбосари
******************************************
Qarzdor ota sud zalida 32 mln. so‘m aliment pulini to‘ladi
Fuqarolik ishlari bo‘yicha Samarqand shahar sudining 2021 yil 7 iyun kunidagi sud buyrug‘iga asosan fuqaro M.A.dan undiruvchi M.Sh. foydasiga uch nafar farzandining moddiy ta’minoti uchun aliment undirilishi belgilangan.
***
Ijro hujjati bo‘yicha qarzdor M.A. bir yarim yil davomida farzandi uchun aliment pulini to‘lamasdan yurgan.
***
Majburiy ijro byurosi Samarqand shahar bo‘limi davlat ijrochisining qarori bilan qarzdorga bugungi kun holatiga bo‘lgan 32 mln. 606 ming so‘m aliment pulini to‘lashi haqida talab qo‘yilganida aliment uchun mablag‘i yo‘qligini ma’lum qilgan.
***
Shundan so‘ng davlat ijrochisi qarzdor M.A.ga nisbatan O‘zbekiston Respublikasi Ma’muriy javobgarlik to‘g‘risidagi Kodeksning 47-4-moddasiga asosan ma’muriy javobgarlikka doir ish hujjatlarini to‘plab jinoyat ishlari bo‘yicha Samarqand shahar sudiga taqdim etgan.
***
Sud zalida ma’muriy qamoq jazosi haqida yetarlicha tushunchalarga endigina ega bo‘lgan qarzdor M.A. 32 mln. 606 ming so‘m naqd pulni juda tez va osongina topa qoldi. Shu yo‘sinda voyaga yetmagan farzandlarining bir yarim yil davomida to‘lanmasdan kelinayotgan moddiy ta’minot pullari to‘liq to‘lab berdi.
***
Shundan so‘ng sud mazkur ishni O‘zbekiston Respublikasi Ma’muriy javobgarlik to‘g‘risidagi Kodeksning 271-moddasi 10-bandiga asosan harakatdan tugatishni lozim topdi.