“ТАРБИЯ БИЗ УЧУН Ё ҲАЁТ – Ё МАМОТ…”
Таниқли маърифатпарвар Абдулла Авлонийнинг “Тарбия биз учун ё ҳаёт – ё мамот, ё нажот – ё ҳалокат, ё саодат – ё фалокат масаласидир” деган чуқур маъноли сўзлари нақадар ҳақиқат эканини яхши англаймиз. Тарбия масалаларига эътиборсиз қаралган вазиятда юзага келадиган кўнгилсизликлар ҳам, у келтириб чиқарадиган зарарли оқибатлар ҳам барчамизга аён.
***
Зеро, бугун илм-фан ва таълим изчил ривожланиб бораётган бир даврда ҳеч шак-шубҳасиз тарбия таълимнинг асоси бўлиши шарт. Ҳар бир педагог, муаллим ва устознинг таълим беришдан мақсади –келажаги порлоқ, Ватан ва эл-юрт хизматида турадиган кадрларни тарбиялашдир.
***
Шуни унутмаслигимиз керакки, юрт келажаги, ватанимиз тараққиёти ва халқимизнинг эртанги куни қандай бўлиши фарзандларимиз ва ёшларимизнинг бугун қандай таълим ва тарбия олишига боғлиқдир.
***
Зеро, тарбияси мўрт ёшлардан жамият, маҳалла ёки оила учун ҳеч қандай наф бўлмайди. Ёшларнинг жиноятга қўл уриши тарбияда йўл қўйилган хато ёки бефарқликнинг аччиқ инъикосидир.
***
Самарқанд вилоят суди, Самарқанд шаҳар ИИО ФМБ ҳамда “Баҳодир Ялангтуш” МФЙ вакиллари билан ҳамкорликда Самарқанд шаҳридаги
***
81-сонли умумий ўрта таълим мактабида “Вояга етмаганлар ўртасида хукукбузарликлар ва жиноятчиликни олдини олиш” мавзусида ҳуқуқий тарғибот тадбири ташкиллаштирилди.
Тадбирда мактаб ўқувчи ёшлари ва уларнинг ота-оналари, маҳалла фаоллари иштирок этишди.
***
Самарқанд вилоят судини судьяси А. Холбоев ва вилоят суди судья катта ёрдамчиси А. Абдиев тадбирда маъруза қилиб, вояга етмаганлар томонидан содир этилаётган ҳуқуқбузарлик ва жиноятларни чуқур таҳлил қилиб, келиб чиқиш сабаблари ва ҳуқуқий оқибатлари ҳақида ҳаётий мисоллар билан изоҳлаб, масъуллар, ота-оналарга тегишли тавсия ва тушунтиришлар берди.
***
Энг муҳими, фарзандларимизни соғлом, комил инсон қилиб тарбиялайликки, улар ўз ота-боболарига, тарихимизга, Ватанимизга, она тилимизга, ўз миллий қадриятларимизга, муқаддас динимиз анъаналарига содиқ бўлишсин, деган фикр тадбирнинг асосий мезонига айланди.
***
Тадбир ҳар жиҳатдан самарали, фикр-мулоҳазалар, савол-жавобларга бой бўлди.