ХУЛОСА ҚИЛГАНЛАРГА ИМКОНИЯТ БЕРИЛДИ

 

Жорий йилнинг 21 ноябрь куни Жиноят ишлари бўйича Ургут тумани суди томонидан, Пробация бўлинмаси ҳисобида туриб жазо ўташ даврида меҳнатга ҳалол муносабатда бўлган ҳамда тузалиш йўлига ўтган 24 нафар назорат остидаги шахсларнинг ўталмай қолган жазолари Ўзбекистон Республикаси ЖКнинг 73 моддасига асосан жазодан муддатидан илгари шартли равишда озод қилинди.

***

Шунингдек, жазо ўташ даврида ўзига тўғри хулоса чиқармасдан жазо ўташдан қасдан бўйин товлаб келаётган 2 нафар назорат остидаги шахсларнинг ўталмай қолган жазо муддатлари шу муддатга Ўзбекистон Республикаси ЖКнинг 46, 48 моддаларига бошқа оғир турдаги жазоларга алмаштирилди.

Суд раиси: “Берилган имкониятни суиистеъмол қилмаслик керак”

Самарқанд вилояти суди раиси Олим Ҳайитовнинг навбатдаги сайёр қабули Жомбой тумани Зарафшон маҳалласида ўтказилди.

Дастлаб вилоят суди раиси суд-ҳуқуқ тизимидаги сўнгги янгилик ва ўзгаришлар, мамлакатимиздаги сиёсий-ижтимоий вазият ҳақида аҳолига тушунча берди. Шундан сўнг фуқароларнинг мурожаатлари эшитилди. Қабул давомида 30 нафардан ортиқ фуқаро ўз муаммоларига ечим истаб мурожаат қилди.  

***

Шунингдек, содир қилган жиноий қилмиши учун суд ҳукми билан ахлоқ тузатиш ишлари жазосини ўтаётган 9 нафар фуқаро қилмишидан пушаймонлиги, тегишли хулоса чиқарганлиги, тузалиш йўлига қатъий ўтганлигини, бундан буён соғлом турмуш тарзида ҳаёт кечиришини билдириб жазонинг ўталмай қолган қисмидан озод қилишни сўради. Жиноий қилмиши учун озодликдан чеклаш жазосини ўтаётган 5 нафар маҳкумнинг мурожаати ҳам шу ҳақда эди.  

***

– Мамлакатимизда қонун устувор, жиноятга жазо муқаррар. Ҳар ким қилмишига яраша жазосини олиши аниқ, – деди Олим Ҳайитов, – Бироқ, қилмишининг оқибатини англаб етган, пушаймон бўлган, ўзига хулоса чиқарган шахсларга давлатимиз енгиллик беряпти. Бугунги суд-ҳуқуқ ислоҳотлари ҳам шунга қаратилган. Бугун сайёр суд мажлиси ташкил этилади ва суд ҳар бир ҳолатни алоҳида кўриб чиқиб, қонуний хулоса қилади. Бу уларга имконият. Лекин бу яхшиликни, бағрикенгликни суиистеъмол қилмаслик керак.  

Кўкларда ҳилпирасин байроғим!

Кўкларда ҳилпирасин байроғим!

Иштихон туман жиноят, иқтисод ва фуқаролик ишлар бòйича судлари раислари К.Пансатов, Н.Умаров ва Ф.Қаршиевлар Òзбекистон Республикаси давлат байроģи қабул қилинганлигини 31 йиллиги муносабати билан Иштихон туманидаги 1-сон ИДУМда учрашув семинар тадбири òтказдилар.

Тадбирда судялар томонидан байроģимиз қабул қилинган кун ва байроқдаги ранглар нима маънони англатиши ўқувчиларга яна бир бор тушунтириб ўтилди.

Ўқувчилар òзларини қизиқтирган саволларга жавоб олишди. Тадбир қизиқарли ҳамда мунозараларга бой тарзда бòлиб òтди. Келгусида бундай тадбирларни тез-тез ўтказиб туришга келишиб олинди.

Иштихон туман судлари.

Ертага айрим кўчаларда транспорт воситаларининг ҳаракати вақтинча чекланади

Ертага, 18 ноябр куни Ўзбекистон Республикаси Давлат байроғи қабул қилинганининг 31 йиллиги муносабати билан Самарқанд шаҳрида бир қатор тадбирлар ўтказилиши кўзда тутилган. Шунингдек, «Ватанпарвар» ташкилоти машиналари ва велоспортчиларнинг кўчалар бўйлаб Ўзбекистон давлат байроғи марши ташкил етилиши ҳам режалаштирилган.

***

Шу муносабат билан ҳудудда жамоат тартибини сақлаш ва тадбирни намунали ташкил етиш мақсадида соат 08:00 дан 10:00 гача қуйидаги кўчаларда транспорт воситаларининг ҳаракати вақтинча чекланади:

🔹 Регистон кўчасининг Регистон майдони олдидан Университет хиёбонининг Бўстонсарой кўчаси туташмасигача;
🔹 Университет хиёбонининг Амир Темур ҳайкали жойлашган қисмидан вилоят мусиқали драма театрига кириш кўчасида ва Кўксарой майдонида;

Самарқандда одам савдоси билан шуғулланувчи шахслар фош қилинди

Давлат хавфсизлик хизмати Самарқанд вилояти бошқармаси ҳамда вилоят ИИБ ходимлари ҳамкорликда ўтказилган тезкор тадбирда Пайариқ туманида яшовчи, 1992 йилда туғилган И.Н. маҳаллий фуқарони сохта ҳужжатлар асосида Туркия ва Япония орқали АҚШга юбориш эвазига 40 000 АҚШ доллари талаб қилиб, дастлабки ҳужжатларни тайёрлаш учун келишилган пулдан 10 000 АҚШ доллари ва унинг хорижий паспортини талаб қилиб олаётган вақтда қўлга олинди.

***

Фуқаро И.Н. ушбу жиноятни 1994 йилда туғилган таниши, Тойлоқ туманида яшовчи У.А. билан тил бириктирган ҳолда амалга ошираётганлигини маълум қилди.

***

Ушбу шахсларга нисбатан Ўзбекистон Республикаси ЖКнинг тегишли моддалари билан жиноят иши қўзғатилиб, тергов ҳаракатлари олиб борилмоқда.

Сайёр қабулларда мурожаатлар ечимини топмоқда

Жомбой туманлараро иқтисодий судининг раиси Н.Турсунова, Фуқаролик ишлари бо‘йича Жомбой туманлараро судининг судяси Ш.Гуломов, Булунг‘ур туман оила ва хотин қизлар бо‘лими бошлиг‘и Н.Мамадияровалар томонидан Булунг‘ур туман 2-сон касб-ҳунар биносида “Аёллар дафтари”га киритилга хотин-қизларнинг ҳуқуқий саводхонлигини ошириш мақсадида сайёр қабул о‘тказилди.

***

Қабулда туманнинг “Гулистон”, “Навбаҳор” ва “До‘стлик” маҳалла фуқароларининг, оилавий, уй-жой, моддий та’минот, тиббий ёрдам ко‘рсатиш ва бошқа бузилган ҳуқуқларини тиклашга доир мурожаатлари тингланди.

***

Ҳусусан, фуқаро М.Раббимованинг никоҳдан ажратиш ҳақидаги да’воси хозирда судда ко‘рилаётганлиги, анча вақтдан буён никохдан ажрашолмай сарсон бо‘лаётганлиги, оилавий аҳволи яхши емаслиги юзасидан билдирган мурожаати судя томонидан назоратга олиниб қонуний ҳал етилиши тушунтирилди.

***

Сайёр қабул якунида фуқароларга О‘збекистон Республикаси Президентининг “Йер муносабатларида тенглик ва шаффофликни та’минлаш, ерга бо‘лган ҳуқуқларни ишончли ҳимоя қилиш ва уларни бозор активига айлантириш чора-тадбирлари то‘г‘рисида”ги ПФ-6243-сонли Фармони бо‘йича тушунтиришлар берилди ва иштирокчилар томонидан о‘зларини қизиқтирган бошқа саволларига батафсил жавоблар берилди.

Тиббиёт ходимлари билан учрашув

Самарқанд вилоят суди судялари Н.Юсупов, О.Нуримов ва Ж.Юсуповлар Паяриқ туман Марказий шифохонасида, тиббиёт ходимлари билан учрашув ўтказди.

***

Учрашувда, Ўзбекистон Республикасининг “Коррупсияга қарши курашиш тўғрисида”ги Қонунининг мазмун моҳияти бўйича тушунтириш берилди, я’ни Қонун 2017 йил 3 январдан кучга кирганлиги ушбу Қонуннинг мақсади коррупсияга қарши курашиш соҳасидаги муносабатларни тартибга солишдан ҳамда Коррупсияга қарши курашиш тўғрисидаги қонун ҳужжатлари ушбу Қонун ва бошқа қонун ҳужжатларидан иборат эканлиги, ушбу Қонунда асосий тушунчалар, жумладан коррупсия – шахснинг ўз мансаб ёки хизмат мавқеидан шахсий манфаатларини ёхуд ўзга шахсларнинг манфаатларини кўзлаб моддий ёки номоддий наф олиш мақсадида қонунга хилоф равишда фойдаланиши, худди шунингдек бундай нафни қонунга хилоф равишда тақдим этиш эканлиги тўғрисида тушунтириш берилди.

***

Бундан ташқари, бугунги кунга келиб республикамизда коррупсияга қарши курашиш ва унинг олдини олишнинг мустаҳкам ҳуқуқий базаси ва аниқ тизими шаклланганлиги, коррупсияга йўл қўйилган ҳолатларда жазонинг муқаррарлиги, Коррупсия ҳолатларига йўл қўймаслик тўғрисида мунтазам равишда профилактик суҳбатлар ва тушунтириш ишлари олиб борилаётганлиги ма’лум қилинди.

ҲИКМАТЛАР – САОДАТ КАЛИТИДИР.

Ҳақиқий тантилик.

Ердай танти нарса дунёда йўқ. Энг баланд минора ҳам, баланд чўққилар ҳам ердан бошланади. Аммо ҳамма минорага махлиё. Ерда бемалол юрган инсон хатарли бўлса ҳам чўққига чиқишга интилади. Бутун инсониятни кўтариб юрган ҳам ер, уларнинг ризқи ҳам ерда униб чиқади. Аммо бирор марта қилган хизматларини бировга миннат қилмайди. Қуёшни қаранг, шунчалик нур таратади, бутун оламнинг мувозанатини сақлаб турибди. Бундай тантини ҳам топиш қийин.

 

Тизимли ёндошув.

Ҳаётда тизимли ёндошув деган гап бор. Биринчи синфга борган болангизга ҳар куни озгина вақт ажратиб, бирорта савол беринг жавоб билмаса, яна беринг, у қачон тўғри жавоб берса уни рағбатлантириб, қўлига ўн минг сўмдан беринг. Бу пулни жамғарма идишига солдириб қўйишга ўргатинг. Бир йилда 3600 минг, икки йилди 7200 минг, уч йилда 10800 минг, тўрт йилди 14400 минг, беш йилда 18000 минг сўм тўплаган бўлади. Энди у пулни Сиздан эмас, жамиятнинг бирорта саволига жавоб бериб, бирорта фойдали иш қилиб, ўзи топадиган бўлади. Бешинчи синфни битирганда тенгқурлари ўртасида ундан бой ва билимга интиладиган бола бўлмайди. Муҳими, уни ҳаётда каллани ишлатиб таълим олишни ва қашшоқ бўлиб қолмаслик йўлини ўргатасиз. Қаранг ҳеч қандай қийинчиликларсиз қанчалик натижадорлик.

 

Оқимга қарши бориш хатарли

Биродар, билиб қолдингиз, оқим тўғри йўлда эмас. Сиз англаган тўғри йўл бу йўлга тескари. Сиз тўғри йўлдан юрай деб оқимга қарши сузиб бошладингиз. Бироз вақт ўтгач салгина тўхташга тўғри келган бўлса, дарҳол орқага оқизиб кета бошлайди. Барибир оқимга қарши сузиб бўлмас экан, узоққа ҳам бора олмайсиз. Якка ҳолда сузсангиз албатта ғарқ бўлишингизнинг ҳам хавфи катта.  

 

Илм – абадиятга дахлдорлик омили.

Шогирд устоздан сўрабди, инсон ҳаётининг, умрининг охири бор. Лекин айримларни абадиятга дахлдор деб баҳоланади. Булар қандай кишилар, Устоз жавоб берибди: болам илмнинг вақт нуқтаи назаридан ҳам, масофа нуқтаи назаридан ҳам чегараси ҳам ўлчови ҳам йўқ. Чегараси бўлмаганлиги туфайли у маълум вақтдан кейин тугап қолмайди. Шу илм билан шуғулланиб, илм яратиб ўтган инсоннинг номи шу илми билан абадиятга дахлдор бўлиб қолади, деган экан.

 

 

Алдамчининг “мукофоти”.

Тўғри гап “туққанингга”, айниқса нохолис раҳбарга ёқмайди. Ёлғон сўз билан бир-бирини алдайди. Билмайдики, бировни алдаган киши, энг аввало, ўзини алдайди ва ўзига жабр қилади. Бировни алдаб нотўғри йўл кўрсатса, шериги билан шу йўлдан боришга мажбур бўлса, албатта ҳалокатга учрайди. Кўриниб турибдики, фалокат инсоннинг ўзидан бошланади. Агар Сиз ўзингизга душман бўлмасангиз бировларни алдаманг.

 

Гапни гапиришга эҳтиёт бўлинг.

Бордию йўлдан адашсанг, орқага қайтиш мумкин, лекин гапириб қўйсангиз уни қайтариб бўлмайди. “Айтилган гап – отилган ўқ”. Гапни қисқа қилиб, тўғрисини айтган маъқул. Хато гапириб, уни тузатгунча бу қисқа ҳаёт етмаслиги мумкин. Олдин етти марта ўлчаб, кейин кес дейилган. Аммо етти марта ўйлаб гапирмаган ҳаммасидан аъло. Қани эди, инсонларнинг тоқати ва сабри шунга етса. Чунки кўп гапирган кўп янглишади, деган нақлни ҳам ёддан чиқармаслигимиз керак.

 

Гапириш илми ҳам мураккаб илм.

Биз ёшларга мактабларда фақат гапиришни ўргатамиз. Аммо қаерда қандай гапиришга кам эътибор қаратамиз. Оддий суҳбатда нима дейиш керак, таниш жамоага маъруза қилганда нима дейиш керак, нотаниш жамоага ўқиганда ўзини қандай тутиш керак, каби саволларга дарсда деярли жавоб берилмайди. Шу билан бирга гапирмаслик илмини ҳам ҳеч қандай фан ўргатмайди.

***

Гапни “билганлар” соатлаб гапирганда ҳам ҳеч нарса айтмаслиги ҳам мумкин. Ҳақиқий нотиқлар жуда қисқа вақтда кўп гапларни атиб улгуради. Бунга эришиш учун илмнинг ўзини, гапириш илмини, қаерда қандай гапириш кераклиги билан боғлиқ илмни ҳам ўрганиш лозим.

Суд раислари иштирокида сайёр қабул

Фуқаролар билан очиқ мулоқот қилиш, уларнинг муаммоларини мунтазам ўрганиб бориш халқ ва давлат идоралари ўртасида маънавий кўприк вазифасини бажаради.

***


Ушбу мақсадда Тойлоқ туманлараро иқтисодий суди раиси Ў.Қ.Мурадов, Фуқаролик ишлари бўйича Тойлоқ туманлараро суди раиси Ж.Хамроев, Жиноят ишлари бўйича Тойлоқ туман суди раиси О.Аллаев томонидан Тойлоқ тумани 4-сектор маҳаллаларидаги “Аёллар дафтари”га киритилган хотин-қизлар иштирокида сайёр қабул ўтказилди.

***


Қабулда асосан уй-жой олиш, уйни бўлиш, мерос, кўчмас мулкни давлат рўйхтидан ўтказиш, уй-жойга эгалик ҳуқуқини олиш, моддий ёрдам пули олиш, туғилганлик тўғрисида болага гувоҳнома олиш, суюлтирилган газ таъминоти борасида мурожаат қилишди.

***

Хотин-қизларнинг ишга жойлашиш ва даволаниш учун моддий имтиёз олиш билан боғлиқ муаммолари ҳам тингланиб, қайд этилган масалалар бўйича ҳуқуқий тушунтиришлар берилди.

Skip to content