Қидирув:

ВИЛОЯТ СУДИДА НАФОСАТ БАЙРАМИ

Самарқанд вилоят судида маънавий-маърифий тадбирларга алоҳида эътибор қаратилади. Айниқса, байрамларда турли байрамларда касбига фидоийлик билан фаолият кўрсатаётган судья ва суд ходимлари, техник ходимлар алоҳида қадрланади, эътироф қилинади.

8-март – Халқаро хотин-қизлар куни байрами муносабати билан вилоят судида тантанали тадбир ўтказилди. Байрам тадбирига барча вилоят суди тизимидаги барча хотин-қизлар таклиф этилди.

Вилоят суди раиси ўринбосарлари З. Аллабаев нутқ сўзлаб соҳада фолият олиб бораётган барча хотин-қизларни нафосат байрами билан қизғин табриклади. Аёл судьялар, суд ходимлари, шунингдек техник ходимларнинг меҳнатини алоҳида эътироф этиб, садоқатли хизматлари учун миннатдорчилик билдирди. Бу гўзаллик байрамида бирорта ҳамкасб аёл-қизлар эътибордан, эътирофдан, эъзоздан четда қолмаслигини таъкидлади.

Шунингдек, вилоят суди раиси ўринбосари Х. Турсунов, вилоят суди касаба уюшмаси раиси О. Набиев, кадрлар бўлими бошлиғи С. Темиров ҳам сўзга чиқиб, тизимда меҳнат қилаётган барча хотин-қизларни баҳор, янгиланиш, уйғониш, гўзаллик ва нафосат байрами билан қизғин табриклади. Уларнинг одил судлов фаолиятини амалга ошириш ва жамиятда қонун устуворлигини таъминлаш, фуқароларнинг суд идораларига бўлган ишончини мустаҳкамлаш йўлидаги беқиёс хизматларини таъкидлаб, келгусидаги фаолиятига эзгу тилакларини изҳор қилди.

Тадбир давомида хотин-қизларнинг ҳар бирига гуллар, табрикномалар ва эсталик совғалар тантанали равишда тақдим этилди.

Гўзал ҳамкасбларимиз учун бу йилги 8-март байрами икки кун олдинданоқ ажойиб кайфиятда бошланди. Севимли жамоада бошланган байрам кайфияти хонадонларида ҳам табриклар ва гуллар, ширин тилаклар билан узоқ давом этажак.

ЯРАШГАНЛАР ЖАЗОДАН ОЗОД БЎЛАДИ

Ярашув институти илк марта миллий қонунчилигимизда бундан 21 йил муқаддам жорий этилган. Яъни 2001 йил 29 августда қабул қилинган «Жиноий жазоларнинг либераллаштирилиши муносабати билан Ўзбекистон Республикасининг Жиноят, Жиноят-процессуал кодекслари ҳамда Маъмурий жавобгарлик тўғрисидаги кодексига ўзгартиш ва қўшимчалар киритиш ҳақида»даги қонун асосида Жиноят кодексининг 66-1-моддасида ярашилганлиги муносабати билан шахсни жиноий жавобгарликдан озод қилиш назарда тутилган.

Мазкур ҳуқуқий институт жорий этилгандан буён қонунга киритилган ўзгартиришлар асосида такомиллаштириб келинмоқда. Натижада, унинг таъсир доираси кенгайди ва қўллаш тартиби соддалаштирилди. Ҳозирда ярашув институти татбиқ этиладиган Жиноят кодексининг моддалари 46 тага етганлиги ҳам фикримизга яққол далилдир.

Ҳаёт синовидан муваффақиятли ўтган бу амалиёт эндиликда маъмурий жавобгарлик тўғрисидаги ишларда ҳам кенг қўлланилмоқда. Бунга 2021 йил 4 октябрдаги «Ўзбекистон Республикасининг Жиноят кодексига ҳамда Маъмурий жавобгарлик тўғрисидаги кодексига ўзгартишлар киритиш ҳақида»ги қонун ҳуқуқий асос бўлиб хизмат қилмоқда.

Ярашганлиги муносабати билан шахсни маъмурий жавобгарликдан озод қилиш асослари Маъмурий жавобгарлик тўғрисидаги кодекснинг 21-2-модда белгилаб қўйилди. Аниқроқ айтганда, айрим турдаги маъмурий ҳуқуқбузарлик содир этган шахс ўз айбига иқрор бўлса, жабрланувчи билан ярашса ва етказилган зарарни бартараф этса, суд уни маъмурий жавобгарликдан озод қилиб, ишни тугатиши мумкин.

Эслатиш жоизки, ушбу ҳуқуқбузарликни бир йил ичида такроран содир этган шахс томонларнинг ярашганлиги муносабати билан маъмурий жавобгарликдан озод қилинмайди.

Илгари биринчи марта ҳуқуқбузарлик содир этган шахс ўз вақтида жабрланувчига етказилган моддий ва маънавий зарарни қоплаган, қилмишидан чин кўнгилдан пушаймон бўлган ҳамда жабрланувчи билан ярашган тақдирда ҳам маъмурий жавобгарликдан озод қилиш тартиби қонунчиликда мавжуд эмас эди.

Лекин ҳуқуқни қўллаш амалиётида эр-хотин, қариндош-уруғ, қўни-қўшни, таниш-билиш ва ҳамкасблар ўртасида келишмовчилик рўй бергандан сўнг ўзаро ярашиб, зарарлар қопланиб, ўрталарида адоват қолмаган ҳолатлар тез-тез учраб турар, аксарият ҳолларда тарафлар ярашган бўлса ҳам ҳуқуқбузарлар маъмурий жазога тортилар эди. Табиийки, бу яқин инсонлар орасида адоват давом этишига, уларнинг муносабатларига совуқлик тушишига сабаб бўларди.

Эндиликда қонунчиликда ярашув институтининг жорий этилиши натижасида бу каби салбий оқибатларнинг олди олинади.

Ярашув институтининг қонунларимиздан мустаҳкам ўрин эгаллаб, амалда кенг қўлланиб келаётганининг асосий сабаби ундаги инсонпарварлик ва одиллик тамойиллари олийҳиммат халқимизнинг кечиримлилик, бағрикенглик каби фазилатларига уйғунлиги билан изоҳланади. Шуни таъкидлаш керакки, жиноят ва ҳуқуқбузарлик содир этган шахснинг жабрланувчи билан ярашганлиги туфайли жавобгарликдан озод қилиниши нафақат унинг ўзи, балки яқинлари учун ҳам катта маънавий ва тарбиявий аҳамият касб этади.

Хулоса шуки, миллий қадриятларимизни ўзида мужассам этган ушбу ҳуқуқий институтнинг ҳуқуқни қўллаш амалиётидаги ўрни ва аҳамияти беқиёсдир. Ярашув институти моҳият-эътибори билан фуқароларнинг ҳақ-ҳуқуқларини таъминлашга хизмат қилмоқда.

Дилшод Эшматов,
жиноят ишлари бўйича Пахтачи туман судининг тергов судьяси.

ВИЛОЯТ СУДИДА НАФОСАТ БАЙРАМИ

Самарқанд вилоят судида маънавий-маърифий тадбирларга алоҳида эътибор қаратилади. Айниқса, байрамларда турли байрамларда касбига фидоийлик билан фаолият кўрсатаётган судья ва суд ходимлари, техник ходимлар алоҳида қадрланади, эътироф қилинади.

8-март – Халқаро хотин-қизлар куни байрами муносабати билан вилоят судида тантанали тадбир ўтказилди. Байрам тадбирига барча вилоят суди тизимидаги барча хотин-қизлар таклиф этилди.

Вилоят суди раиси ўринбосарлари З. Аллабаев нутқ сўзлаб соҳада фолият олиб бораётган барча хотин-қизларни нафосат байрами билан қизғин табриклади. Аёл судьялар, суд ходимлари, шунингдек техник ходимларнинг меҳнатини алоҳида эътироф этиб, садоқатли хизматлари учун миннатдорчилик билдирди. Бу гўзаллик байрамида бирорта ҳамкасб аёл-қизлар эътибордан, эътирофдан, эъзоздан четда қолмаслигини таъкидлади.

Шунингдек, вилоят суди раиси ўринбосари Х. Турсунов, вилоят суди касаба уюшмаси раиси О. Набиев, кадрлар бўлими бошлиғи С. Темиров ҳам сўзга чиқиб, тизимда меҳнат қилаётган барча хотин-қизларни баҳор, янгиланиш, уйғониш, гўзаллик ва нафосат байрами билан қизғин табриклади. Уларнинг одил судлов фаолиятини амалга ошириш ва жамиятда қонун устуворлигини таъминлаш, фуқароларнинг суд идораларига бўлган ишончини мустаҳкамлаш йўлидаги беқиёс хизматларини таъкидлаб, келгусидаги фаолиятига эзгу тилакларини изҳор қилди.

Тадбир давомида хотин-қизларнинг ҳар бирига гуллар, табрикномалар ва эсталик совғалар тантанали равишда тақдим этилди.

Гўзал ҳамкасбларимиз учун бу йилги 8-март байрами икки кун олдинданоқ ажойиб кайфиятда бошланди. Севимли жамоада бошланган байрам кайфияти хонадонларида ҳам табриклар ва гуллар, ширин тилаклар билан узоқ давом этажак.

 

Skip to content